Galatia 6

Galatians 6

6:1 Ale angka dongan, molo tung tarsomong jolma mardosa, hamu angka naung taruli di Tondi ma patureturehon ibana marhitehite tondi na lambok; alai matahon dirim, so tung dohot ho tarunjun!
6:2 Masiurupan ma hamu mamorsan angka na dokdok i; i ma dalan mangaradoti patik ni Kristus.
6:3 Ai molo dipaburnang halak dirina, hape so adong di ibana, sipaotooto diri do i.
6:4 Alai ganup ma manangkasi ulaonna be; dung i tu ibana sandiri ma pujipujian, ndada maradophon na asing.
6:5 Alai adong di ganup siporsanonna be!
6:6 Alai na mamodahon hata ni Debata, tama do taruli di nasa parsaulian ni na pinodaanna i.
6:7 Unang hamu lilu; ndang olo Debata leaan! Ai ia i disabur halak, i do gotilonna!
6:8 Ai na manabur tu dagingna, manggotil do sian dagingna hamagoan; alai na manabur tu tondi, manggotil do sian tondi i hangoluan salelenglelengna!
6:9 Alai unang marnaloja hita mambahen na denggan, ai na manggotil do hita muse di tingkina i, anggo so pargale hita nuaeng.
6:10 Antong, binsan sadihari dope, taulahon ma na denggan di saluhut halak, alai gumodang ma tu donganta sahaporseaon!
6:11 Tanda hamu ma balga ni surat ni tanganku!
6:12 Sude na ringkot roha di hasangapon ni pardagingon, manosaknosak hamu pasunathon; asal unang taononna pangaleleon siala silang ni Kristus.
6:13 Ai gari nasida, Jahudi hian, ndang diradoti patik i; alai naeng do hamu tarsunat di rohanasida, asa di puji nasida dirina marhite sian dagingmuna.
6:14 Alai dao ma sian ahu na mamuji diri, anggo so siala silang ni Tuhanta Jesus Kristus! Marhitehite Ibana do tarsilang portibi on di ahu, jala ahu pe, tarsilang do maradophon portibi on.
6:15 Ai manang sian hajahudion dongan manang sian hasipelebeguon, ndang mahua i; ingkon na tinompa na imbaru do!
6:16 Jala dame ma dohot asi ni roha tu saluhut na mamarangehon ruhut sisongon i, nang tu Israel ni Debata!
6:17 Dungkon ni i, unang ma pola disusai agia ise ahu, ai hupaboanboan do angka tanda ni bugang ni Jesus di dagingku.
6:18 Didongani asi ni roha ni Tuhanta Jesus Kristus ma tondimuna, ale angka dongan! Amen.

6:1 Brethren, if a man is overtaken in any trespass, you who [are] spiritual restore such a one in a spirit of gentleness, considering yourself lest you also be tempted.
6:2 Bear one another's burdens, and so fulfill the law of Christ.
6:3 For if anyone thinks himself to be something, when he is nothing, he deceives himself.
6:4 But let each one examine his own work, and then he will have rejoicing in himself alone, and not in another.
6:5 For each one shall bear his own load.
6:6 Let him who is taught the word share in all good things with him who teaches.
6:7 Do not be deceived, God is not mocked; for whatever a man sows, that he will also reap.
6:8 For he who sows to his flesh will of the flesh reap corruption, but he who sows to the Spirit will of the Spirit reap everlasting life.
6:9 And let us not grow weary while doing good, for in due season we shall reap if we do not lose heart.
6:10 Therefore, as we have opportunity, let us do good to all, especially to those who are of the household of faith.
6:11 See with what large letters I have written to you with my own hand!
6:12 As many as desire to make a good showing in the flesh, these [would] compel you to be circumcised, only that they may not suffer persecution for the cross of Christ.
6:13 For not even those who are circumcised keep the law, but they desire to have you circumcised that they may boast in your flesh.
6:14 But God forbid that I should boast except in the cross of our Lord Jesus Christ, by whom the world has been crucified to me, and I to the world.
6:15 For in Christ Jesus neither circumcision nor uncircumcision avails anything, but a new creation.
6:16 And as many as walk according to this rule, peace and mercy [be] upon them, and upon the Israel of God.
6:17 From now on let no one trouble me, for I bear in my body the marks of the Lord Jesus.
6:18 Brethren, the grace of our Lord Jesus Christ [be] with your spirit. Amen.

KeyWords: